गज़ल १. वृत्त: आनंदकंद.

फळली मला कधीही नाही कृषी मुळावर.
मारूनही फवारा पडली अळी फुलावर.

कर्जास या अता मी फेडायचे कशावर,
लागत तरी निघाली नाही कुण्या पिकावर.

जीएम बी बियाणे पेरायला मनाई,
शेती कशी करावी या तुगलकी तिरावर.

जर रास्त दर मिळाला मालासही कृषीच्या,
मरणार मी कशाला लटकूनिया सुळावर.

'रविपाल' कर अता या सरकारची अवज्ञा,
धोरण अरे तयाचे उठले तुझ्या जिवावर.

'रविपाल' तू कितीदा ऋण फेडले तरीही,

विळखा महाजनांचा पडला तूझ्या घरावर.

गज़लकार : डॉ. रविपाल भारशंकर

(९२ वे अ. भा. मराठी साहित्य संमेलन यवतमाळ २०१९, येथे कवीकट्टा या मंचावर सादरीकरणाकरीता निवड झालेली गझल. दि. १३/०१/२०१९.)